Masat Yan (2) Shingnan Wan Sat Wunkat Ginchyum Dat Hpawng Galaw

Masat yan (2) shingnan wan sat wunkat ginchyum dat hpawng hpe April (8) ya shani Laiza Muklum Wan Sat Dap Rung kaw galaw ai re.

Zup Hpawng hta Laiza Muklum Uphkang Du hte rau buga hpung woi Sr.kaba ni Muklum Pati Komiti Ningtau Tingnyang Up, Magam Dap, Makan Dap de na myitsu salang ni hte Muklum kata na Mungshawa ni nakau sa du shang lawm sai re.

Hpawng Lamang hta sa du ai Laiza Muklum Uphkang Du Salang Kaba Wala Gum Ja Du kaw nna mung “Wan sat ai ngu hta wan hkrai hkan sat na ngu ai hpe n shingran  da shangun mayu ai, grai ahkyak ai ten hta hkye mawai ai bungli hpe mung lit la galaw ra ai re” nga nna hpaji jaw Mungga jaw ya ai.

Shingnan wan sat wunkat hpaw hpawng hpe lai wa sai March shata (23) ya shani kawn hpaw hpang ai rai nna April shata praw(7) ya shani du hkra nhtoi (15) ya tup hpaw sharin ai rai nna matut nna mung shingnan wan sat wunkat hpe shaning shagu matut hpaw na matu hkyen lajang da ai lam ni mung nga ai re lam chye lu ai.

Leave a Reply

*

This site uses Akismet to reduce spam. Learn how your comment data is processed.