Masat Yan (13) Immigration Jawng Hpaw Hpawng Galaw

Wunpawng Mungdan Shanglawt Asuya Immigration Makan Dap kaw nna hpaw sharin ya nga ai Masat Yan (13) Immigration Jawng Hpaw Hpawng hpe April (6) ya shani Alen Bum Hpungwa Gawknu  kaw galaw ai re.

Masat Yan (13) Immigration Jawng Lung na Jawng ma yawng marai (38) re lam chye lu ai.

Ya na zawn Immigration Jawng hpe Hpaw Sharin ai lam gaw Immigration Makan Dap hta magam gun masha nlaw ai lam, Immigration makan Dap kaw nna galaw sa wa na magam bungli ni grau nna dam lada ai hku  galaw awng dang sa wa lu na matu magam gun nnan ni hpe shalat la ai  hku nna hpaw ai re lam Ginjaw Immigration Ningtau Matsun Du Chyinyu Awng Lawt tsun ai.

Wunkat nhtoi hpe shata (2) masat da ai rai nna Wunkat hta Immigration Hpaji hpe madung hku nna sharin ya na re hte  kaga chye ging chye mai ai Wunpawng Htunghking hte seng ai Hpaji , Ninggawn Mungmasa lam yan hpaji, kaga Magam Dap, makan Dap ni hte mahkri Shawn ai lam ni hpe mung sharin na re lam chye lu ai .

Immigration magam gun masha ningnan shalat ai Jawng hpe shaning shagu hpaw na matu hkyen lajang da ai lam ni nga ai raitm COVID-19 Ana Zinli masa lam mayak manghkang , Mungmasa lam a myu myu mayak ni a majaw Jawng hpaw na matu hkyen lajang ai lam hta hpang hkrat mat ai lam ni nga ai rai nna 2021 kaw she bai hpaw ai re lam na chye lu ai.

 

Leave a Reply

*

This site uses Akismet to reduce spam. Learn how your comment data is processed.