Mungji Ginwang kaw KIA hte Myen Hpyen Dap ni Gasat Poi Byin

Mungmyit Sinli Ga, Kachin Sub-state, KIA Masat (10) Dap Ba, Masat (2) Dap Dung Ginra, Mung Ji Ginwang, Nawng Jang hte Mung Paw lapran kaw April (5) ya shani KIA hte Myen Hpyen Dap ni Gasat Poi Byin ai lam na chye lu ai.

Mung Ji kaw na pru wa ai Myen Hpyen Dap Hk.M.Y (363) hte Dap Nu (99) kata na pawng hpawm hpyen hpung ni gaw Hpyen n-gun (100) daram hte KIA ni nga shara de htu shadut shamu shamawt lung wa ai majaw KIA Masat (2) Dap Dung kata na Hpyen Hpung ni kawn hkap shingla gap gasat ai kawn gasat poi byin wa ai re lam na chye lu ai.

“Myen Hpyen Dap maga na gaw ding yang shamu shamawt ai lam ni galaw taw nga ai, grai rai na sawng hkra gaw n raitim lak lai ai hku she shamu shamawt nga ma ai, Mungshawa ni mung hkrit kajawng ai raitim dum bru dum bra re lam gaw nnga ai, sadi maja na nga nga ai masa re”nga nna mung hpyen shamu shamawt masa lam hte seng nna shawng lam na lit nga ai salang langai tsun ai.

Myen Hpyen dap ni gaw KIA ni nga shara de hpyen shamu shamawt ai lam ni galaw nga ai sha n-ga Jinghpaw Mung, Lahta Sammung ginra shara shagu ngu na daram hta sinat lak nak kaji kaba majoi gap shadam ai lam ni galaw nga ai re lam chye lu ai.

Jahtu Zup Mare kaw Dap Jung shara jahkrat na nga ai Myen Hpyen Dap Hk.L.Y (497) ni kawn mung April (5) ya shana hkying (8:00) aten daram hta mare makau grup yin hkan sinat laknak kaba (5) lang daram gap shadam ai majaw ginra masha ni hkrit tsang nga ma ai lam na chye lu ai.

Leave a Reply

*

This site uses Akismet to reduce spam. Learn how your comment data is processed.