KIA Masat (6) Dap Ba Ginra Kaw KIA hte Myen Hpyen Dap ni Gasat Poi Byin

Mungmyit Sinli Ga, Kachin Sub-State, KIA Masat (6) Dap Ba, Masat (9) Dap Dung Ginra, Kutkai Ginwang, Namgut Mare Makau Kaw April (5) Ya Shani KIA Hte Myen Hpyen Dap Ni Gasat Poi Byin Ai Lam Na Chye Lu Ai.

Myen Hpyen Dap Ni Gaw Hpyen N-Gun (80) Daram Hte Kutkai Kaw Nna Lagaw Lam Hkawm Let KIA Ni Nga Ai Shara De Htu Shadut Shamu Shamawt Lung Wa Ai Majaw KIA Masat (9) Dap Dung Kata Na Hpyen Hpung Ni Kawn Hkap Shing La Gap Gasat Ai Kawn Gasat Poi Byin Wa Ai Re Lam Na Chye Lu Ai.

Mungmyit Sinli Ga Ginra Hta Gaw N-Dai Laman Myen Hpyen Dap Maga Na Lam Makau Mayan Hku Nna Sha Shamu Shamawt Ai Lam, Mungshawa Mawdo Ni Hte Hkawm Sa Hkawm Wa Galaw Ai Lam Ni Mung Nga Ai Nga Nna Lit Nga Ai Salang Langai Tsun Ai.

“Shanhte Gaw Gara Hku Masa Re Kun, Lam Makau Hku Na Shamu Shamawt Ai Lam Gaw Ding Yang Naw Rai Nga Ai, Anhte Nga Ai Shara De Grai Wa Htu Ai Lam N Nga Ai N-Dai Laman, Gasat Poi Gaw Matut Na Byin Wa Na Lam Naw Nga Ai, Kata Lam Shamu Shamawt Lam Ni Nga Ai, Shanhte Gaw Mungshawa Ni Na Mawdaw Hte Jawn Na She Hkawm Ai”

April (4) Ya Shani Hta Mung KIA Masat (10) Dap Ba, Masat (17) Dap Dung Ginra Kaw Mung KIA Hte Mung Yaw Maga Na Lung Wa Ai Myen Hpyen Dap Hpyen N-Gun (100) Daram Gaw Loi Lem Lam Numshe Kaw Gasat Poi Byin Ai Lam Nga Ai Re Hpe Na Chye Lu Ai.

Leave a Reply

*

This site uses Akismet to reduce spam. Learn how your comment data is processed.