Ginjaw Ginra, Laiza Muklum Kata Pru Shang Hkawm Sa Lam Hpe Shawoi Na Hta Grau Nna Jen Jep

COVID-19 Ana Zinli Makawp Ninghkap ai hku nna, Ginjaw Ginra Laiza Muklum kata de pru shang hkawm sa ai lam hpe shawoi na hta grau nna jep nga ai lam Muklum Uphkang Rung kaw na chye lu ai.

Ginjaw COVID-19 Ana Zinli Makawp Ninghkap Komiti kaw nna mung Muklum kata de du shang wa ai ni hpe Mai Sak Pa Check Point kaw COVID-19 Ana Zinli jep ya ai lam galaw ai hte Quarantine hkamla shangun nna hkamja lam jep chyoi ya ai lam ni hpe galaw nga ai re lam, Ginjaw COVID- 19 Ana Zinli Makawp Ninghkap Komiti Amu Madu Dkb Lahpai Hing Wawm tsun ai.

Muklum Kata nga ai Mungmasha ni, Magam Gun ni hpe mung COVID-19 Ana Zinli Makawp Maga Tsi numdaw hte numdaw htu ya ai lam ni galaw ai sha n-ga COVID-19 Ana Zinli hte seng nna Mungshawa ni hkan nang hkan sa ra ai tara ni, Hkamja lam machye machyang ningmu ni hpe mung Ginjaw COVID-19 Ana Zinli Makawp Ninghkap Komiti kawn ningmu jahpaw ai lam, n-dau shana ya ai lam ni ding yang galaw nga ai re hpe chye lu ai.

Leave a Reply

*

This site uses Akismet to reduce spam. Learn how your comment data is processed.