KIA Masat (2) Dap Ba Ginra Kata De Gasat Poi Bai Byin

KIA Masat (2) Dap Ba, Masat (20) Dap Dung Ginra, Danai Lido Lam Mayan, Dumbang Mare hte Kum Tsai Yang Mare Lapran kaw March (30) Ya shani Hkying 10:20 aten daram kaw nna HKying 11:30 aten daram du hkra KIA hte Myen Hpyen Dap ni gasat poi byin ai lam na chye lu ai.

Myen Hpyen Dap Hk.L.Y (86) ni gaw KIA ni nga ai shara de htu shadut hpyen shamu shamawt lung wa majaw Dumbang mare hte Kum Tsai Yang mare lapran kaw KIA Masat (20) Dap Nawng Dap Dung kata na Hpyen Hpung ni hkap shingla gap gasat ai kawn gasat poi byin ai lam shawng lam lit nga salang ni tsun ai kaw na chye lu ai.

KIA Masat (9) Dap Ba Ginra kata de mung Myen HPyen Dap kawn hpyen n bungli (1) hte March (30) Ya shana de HKying (3:00) hte Hkying (4:30) aten laman num daw lahkawng lang gawai nna bawm 7/8 lang wa jahkat ai lam nga a sha n-ga Ginsi Mare kaw nga taw ai Myen HPyen Dap ni kawn mung 120 MM (2) lang gap bang ai lam na chye lu ai.

March (29) ya shana de Hkying (4:30) hte Hkying (5:00) aten daram hta mung KIA Masat (2) Dap Ba ginra kata shara 2 hta Myen HPyen Dap Hpyen n bungli 2 hte pyen gawai hkawm nna bawm wa jahkrat ai lam ni mung nga ai re hpe na chye lu ai.