KIA Masat (9) Dap Ba Ginra Kata De Gasat Poi Bai Byin

KIA Masat (9) Dap Ba, Masat (6) Dap Dung Ginra, Uru Ginwang Ginjaw, HPakant Ginwang, Lawnghkang Mare makau grup yin maw ginra ni hta March (28) ya Jahpawt 3:00 aten daram KIA hte Myen Hpyen Dap ni gasat poi byin ai lam na chye lu ai.

Gasat poi byin ai gaw KIA Masat (9) Dap Ba kata na hpyen hpung ni hte Masat (6) Dap Dung kata na pawng hpawm hpyen hpung ni hte HPawa Maw, Mu Ping Maw, Sha-it Yang mare ni hkan nga ai Myen hpyen dap ni, ဦးပိုင္  Oo Pai Company hpe Sin ai Hk.M.Y (119) ni hte re lam na chye lu ai.

Gasat Poi Byin ai shara gaw Lawnghkang Mare hte ni nawn ai Maw shara 4 hta rai nna Myen Hpyen dap maga na gaw gasat poi byin ai ten Helicopter Hpyen n bungli (2) hte wa htim gap ai lam mung nga ai re majaw Mungshawa hkra hkala ai lam nga nnga hpe matut sawk sagawn nga ding yang re lam shawng lam lit nga salang ni tsun ai.

Myen Hpyen Dap maga na gaw gasat poi n byin ai shara ni hkan mung sinat laknak kaji, kaba gap bang ai lam ni galaw ai majaw Mungshawa law law hkrit tsang ai sha n-ga Sinlum Mare hkan nga ai mungmare masha ni hprawng yen ai lam nga ai zawn Njang Yang Ginwang, Gwi Htau ginra na Mungmare masha ni mung ya aten nam de hprawng yen nga ma ai lam na chye lu ai.