Kamaing muklum kaw dap jung nga ai Myen hpyendap na byuha mu wa kawn July 2 ya shani hta Hpakant lam Kum Tsai Zup mare hte Lidu lam Kum Tsai Yang mare na salang ni marai (8) hpe shaga hkrum ai lam na chye lu ai.
Dai zawn shaga la nna byuha mu wa kawn mare salang ni hpe “Nanhte mare ni mying grai kaba ai, nanhte mare makau kaw bawm hte sinat ngoi wa jang mare de laknak kaba gap bang na, ngai naw nga ai shaloi manghkang n kam byin ai” ngu tsun ai lam matut chye lu ai.