Myen Hpyen Dap ni rim da ai Putao ramma ni lawt pru wa sai

Laiza kaw hkai rem hpaji sharin la nna bai nhtang wa ai hta 2016 ning October (11) ya shani Loi Je hte Sinlum gate kaw rim hkrum ai Putao na ramma marai (51) kaw na marai (48) gaw 2017 ning June (21) ya shana maga lawt pru wa sai lam na chye lu ai.

Ngam ai marai (3) hta na marai (2) mung kade nna yang lawt pru na re hte marai langai hpe gaw HK.L .Y (46) Dap na ahkang n lu, Dap pru ai re majaw Hpyen Dap hte naw hparan sa wa na re lam mung sagawng na chye lu ai.

Ndai rim hkrum ai ramma ni gaw Man Htawng kaw nhtoi (253) ya tup sharen da hkrum ai re hte ya aten Manmaw buga hkalup hpung ni hkap tau hkalum la ai hte akyu hpyi ya ai lam ni galaw dawjau nga na chye lu ai.

 

www.kachinnet.net