KIA Hte Myen Hpyen Hpung Ni Gasat Gala Majan Byin

KIA Masat (2) Dap Ba, Masat (14) Dap Dung makawp maga ginra, chawng Sung grup yin hta Pyi Thu Tsit hte Myen hpyen hpung ni pawnghpawm nna Hka Da Zup kaw nga ai KIA hpyen hpung hpe August (12) ya shani hkying (12:30)Pm kaw nna hkying (5:) daram du hkra laja lana gasat gala majan byin ai lam Majan hta shanglawm ai Shadang Gum Ja shana wa ai kaw na chye lu ai.

Myen hpyen hpung ni Jahpawt Manap hkying (4:30)Am aten daram kaw nna Laknak kaba (30) lang gap bun nhtawm ya na zawn hpyen n-gun kaba hte htim gasat shang wa ai majaw ninghkap shingla gasat gala majan byin ai re.

Myen hpyen dap ni KIA Masat (14) dapdung ginra de August (3) ya shani kaw nna masing nga nga hpyen n-gun kaba hte htu shadut htim gasat shang wa ai majaw ya na zawn shani shagu matut manoi majan byin wa ai re hpe mung matut na chye lu ai.

Matut nna Kachin Sub State, Kut Hkai lawu Sinli Muklum (သိမ္းနီျမိဳ႕) NamSalat (နမ့္ဆလတ္) mare makau kaw TNLA hte Dap nu (99) n Myen hpyen hpung ni  hte mung gasat gala majan byin ai lam chye lu ai. Dai majan byin ai ginra de Myen dap maga na hpyen n-gun kaba matut manoi jat lung wa ding yang naw rai nga ai majaw majan grau htat wa mai ai lam nga ai hpe mung sagawn chye lu ai.