Anhte a amyu hte buga hpe “devide and rule” galaw na grai nyan nga ma ai. “Kachin Region (1) hte (2)” hpe garan nga wa sai. Maru ni hpe laika kaga san galaw ya nna bra wa hkra shakut nga ma ai.
Maigan mung de sa du nga ai nanhte hpeji kaba ni n shakut ai rai yang, “Dum Ladum e Hka Yawng” ai hte bung na.. “Panglong Agreement” hta, “Kachin Takyat, Myen Takyat” nga ai re. Ya Jinghpaw ni a dai Takyat gara kaw tsat mat sata?
E..Takyat wa n jaw ai ngu ga. Tamat gaw jaw masu ai ngu ga. Dai Tamat hpe ya yang kadai sha wa hkam sha lu nga a ta?
Dai akyu hkam sha ai ni hta na, “one percent” gaw, amyu myit n myit ai nga ma tim, “Hka Yawng ai Wa a Hpang Gara” hku rai mat sai.
Anhte hpe “U-hka hpe U n sawn” rai wa nga ma ai.
Kalang mi gaw (1950-60 ning laman e) Colonel ngu ai ni nga wa sai raitim ya aten e myit mada shara nga a ni? “Development for Hill People” nga tim – Sam, Balawng, Wa hte Pa-O ni a matu hkrai sha galaw ya ma ai
Shanhte a gawng ngu ni, mahkrai ni, wan leng, wan jak, phone line ni grai galaw ya nga ai. Anhte a matu hka mahkrai pyi kaning ndi nna she galaw wa nga ai.
Anhte a sutgan Hpakant lung tsit gaw “Maung Paing Tsii” madu kau sai. Man Maw, Myitkyina mawdaw lam mung n galaw ya ai. Kachin State Mung Up Kaba gaw Myen hpyendu nrai ni..Chye nga ai..
Matsing: Ndai Laika gaw Jinghpaw Prat Shi Laika Editor Gauri Pan Lawng kaw nna maigan du nga ai jinghku langai hpe ka ai laika re.
Grai kaja ai laika re ngu mu mada ai. Raitim Wunpawng Lhaovo langai hku na gaw nau myit n hkawn ai. Lhaovo ni laika lu na matu shakut ai grai na sai. Karai a chyeju hte sha Lhaovo laika hpe lu la jai lang nga saga ai. Kachin ngai ai gaw Wunpawng amyu hpan yawng hpe ngu ai re ngu chye na hkap la da ai. Kachin hpe Jinghpaw ngu n tsun ai sha Wunpawng ngu yang grau n na htap htuk manu dum ai hpe tang madun mayu n ngai. Wupawng sha shing n rai Kachin yawng myit hkrum lam yen hta..