October 18, 1:45pm-2:30pm aten, Lamung Hka, Nawng Pung Hka Mazup grupyin de KIA MHH hpyen hpung ni patrolling hkawm nga ai shaloi Myen hpyen dap Hk.L.Y (238) dap na 2/ic woi awn ai hpyen n-gun (50) daram hkap gap ai kaw nna gasat poi byin ai lam chye lu ai.
Matut nna, Kachin Sub – State ginra, Kawng Jung Bum lagaw kaw dap jung shara jahkrat nga ai Myen hpyen hpung ni hte KIA Masat (9) Dap Dung kata na hpyen hpung ni October 19, 4:00pm-5:00pm aten laman gasat poi byin ai lam chye lu ai.
Bai, Kachin Sub – State ginra, Kawng Hka P.T.Ts Dung (5) kaw nna Hu Hpyet mare kaw Htinggaw mi hta marai (1) P.T.Ts hpyenla n galaw n mai nga nna hpyen lahkawn nga ai lam hpe na chye lu ai.
Kachin Sub – State ginra, Kawng Jung Bum kaw, dap mying n chye ai Myen asuya hpyen hpung ni hte Hpunau Rawt Malan TNLA hpyen hpung ni, October 19, 1:10pm-2:00pm aten laman gasat poi byin ai lam hpe hpyen shisawk ni kaw na chye lu ai.