April (20) ya jahpawt (9:00)am ten, KIA masat (14) dap dung na hpyen hpung ni hte Myen hpyen dap D.K.Ts kata na hpyen ni Danai-Kawng Ra kawn Nambyu de lung wa ai Nam Hpyek Hka makau kaw gasat gala byin ai lam chye lu ai.
Shana maga (5:00)pm ten kawn gasat gala majan byin ai lam grau ja wa ai rai nna, KIA hpyen hpung ni shara jahkrat nga ai Nam Hpyek Hka makau kaw na Maisak Post hpe Myen Asuya hpyen hpung ni kawn htim gasat shang wa ai kaw nna gasat gala majan byin wa ai re lam hpe chye lu ai. Gasat gala majan byin ai hta Myen Asuya hpyen hpung ni maga hkala nba law ai lam hpe mung matut chye lu ai.