Zupmai-Loiya Buga Hpung Nanghpam Pat Jasan Kamiti Ni Yama Tawng Mum Mi Jan Lu Rim

Sam Mung Ginwang, Zupmai-Loiya Buga Hpung, Ka-ni Nanghpam pat jasan komiti ni March (1) ya kaw nna April (30) ya du hkra ladat langai hku nna pat jasan bungli shang nga ai hta Yama tawng (10,000) mun mi jan lu rim da ai lam chye lu ai.

March (12) ya shani Laimawk mare kaw na Ninghtawn Slg.Kaba Lahtaw Yaw Htung nta shang jep yang, Hpakant, Ginsi Seng Ra mare kawn sa du manam ai Shy. Lahtaw Nang Bawk (20) ning kawn Yama tawng (14,000) jan lu rim la ai. Sa du manam ai lam gaw nanghpam hpaga ga ai hku nna sa du manam nga ai re lam buga masha ni tsun ai.

Matut nna pat jasan bungli shang ai hta, Man Seng mare na Slg. Tu Shan (45 ning) kawn Yama tawng (6,000) jan, Slg. Naw Din kaw nna ka-ni chyang hkan mi lu rim la ai. Lu rim la ai nanghpam yawng dai shana jang wan nat jahten kau sai lam chye lu ai.

Lu rim da ai masha ni hpe gaw hpang de matut dut shabra ai lam n galaw na matu ga sadi ta masat ka shangun nna dam hkawn jaw nna bai dat dat sai.

Pat jasan bungli shang ai lam hpe Buga Ka-ni nanghpam pat jasan komiti hpa-awn Sara Marip Gun Awng hte Amu Madu Rev. Brang Awng yan woi awn ai komiti malawm marai (50) jan shamu shamawt bungli shang hkawm ai rai nga ai.