Danyin Kawng Post Yen Kau Da

Hpakant Ginwang, Masat (2) Dap Ba, Masat (6) Dap Dung ginra, Nam Mahpyit lahta Chyauk Sein Toung Company makau KIA hpyen hpung ni Dap jung ai Da-nyin Kawng Post hpe, February (2) shani 10:55Am kawn 12:50Pm ten laman Myen Asuya Hpyen Dap Dap Nu(66) hpye hpung ni n-gun laba hte htim gasat shang ai lam chye lu ai.

Myen Asuya Hpyen Dap Dap Nu (66) hpyen n-gun  (100) jan hte shang gasat ai a majaw KIA hpyen hpung ni shara jahkrat nga ai Danyin kawng Post kawn hkap shingla gasat gala ai raitim Post hpe gan yen kau da ra mat ai.

Bai nna, February (2) shani (8:00)Am aten Lahta Sam Mung, Masat (4) Dap Ba, Masat (9) Dap Dung ginra hta Dap mying n chye ai Myen Asuya hpyen hpung n-gun (40) daram hte Nawng Hkyu hte Nam Hku lapran hta Du Kaba Nhku La Ring woi awn ai KIA hpyen hpung ni gasat poi byin ai lam chye lu ai.