KIA, Dapba (5) Majan shiga ni (September 30, 2011 ya)

7: 40 AM:-    KIA dapba (5) ginra, Sama wang shara hta KIA dapnawng hte Myen asuya hpyendap LIR (318) ni gasat hkat ai lam chye lu ai. Dai majan hta Myen asuya hpyendap kaw na Du-tau langai hte Gyi langai hkrat sum ai lam chye lu ai. Lahkawng maga na hkala nba shiga hpe gaw tup hkrak n chye lu shi ai.

7:45 AM:-    KIA dapba (5) ginra, Awng Ja mare, Namhpa hka mayan hta KIA dapba (5) hpyen hpung hte Myen asuya hpyendap LIB (37), LIR (438) ni gasat poi byin lai wa sai lam chye lu ai. Dai majan hta Myen asuya hpyendap kaw na hpyenla (24) hkrat sum nhtawm hkala nba hkrum ai ni yawng gaw (48) re lam chye lu ai. Dai hta MOC (3) npu, reng tsang (1) Zai ladat du Colonel Tin Win mung hkala lawm ai lam chye lu ai. Karai Kasang a makawp ai sinkaw npu e, Shanglawt hpyenla ni gaw hkrat sum ai lam n nga ai ngu chye lu ai.

11:25 AM:-    KIA dapba (5) ginra, Ja Ing Yang mare hta KIA dapba (5) hpyenla ni hte Myen hpyendap LIB (141) ni, jahpawt daw 11:25 AM kaw nna 2:30 PM ten du hkra laja lana gasat poi byin lai ai lam chye lu ai. Dai majan hta lahkawng maga na si ai hte hkala ai jahpan hpe n chye lu shi ai.

3:00 PM:-    KIA dapba (5) ginra, Namsan yang mare kaw na Myen asuya hpyendap ni hpe KIA dapba (5) hpyen hpung ni gasat ai lam chye lu ai. Dai gap hkat ai lam hta Myen asuya hpyendap kaw na hpyen kaichyan dapkung up Gyi-jum Aung Lin hkrat sum mat ai lam chye lu ai.

4:00 – 6:30 PM:-    KIA dapba (5) ginra, Gangdau yang ninghtawn, Seng Mai mare hta KIA dapnawng hte Myen asuya hpyendap LIB (121), LIR (388) ni gap hkat ai lam chye lu ai. Dai majan kaw lahkawng maga na si ai hte hkala nba shiga hpe KLN shiga dap kaw na tup hkrak n chye lu shi ai.