Myen Asuya, Hpyenhpung hpe KIA hpyenla ni wang htim gap

Shawnglam Majan pa hkrunlam

15 September 2011 (Pilan) ya shani hkying 10:10 am ten kaw nna 16 September 2011 (Hpan) ya shani hka-ang ten daram du hkra Myen asuya, hpyen dap Myitkyina Muklum hkridun LIB (37), MOC (21) npu, Numlang mare hkridun LIR (438) ni hte Namsan yang makau Nambang hkahku kaw  KIA, laksan hpyenhpung ni laja lana gasat poi byin ai lam chye lu ai. Ndai hta Myen asuya hpyenla marai (20) jan si hkrum nga sai hte sinat laknak hpan hkum hpe mung KIA hpyenla ni zing la lu ai lam chye lu ai. KIA maga de hpyenla marai (3) hkala hkrum ai raitim, sawng ai lam n nga ai lam chye lu ai. Ya ten du hkra Myen asuya hpyenhpung ni hpe KIA hpyenhpung ni wang matep da nga ding-yang naw re hpe mung chye lu ga ai.