KIA hpyenla ni Myen Asuya, hpyenla hkap gap

Shawnglam kaw duty hkap nga

KIA, masat (3) dap ba npu, masat (15) dapdung hte Myen asuya, hpyen dap MOC – 21 npu, LIR (387) ni 15 September 2011 (Pilan) ya shana daw hkying 6:00pm grup-yin ten hta gasat gala byin ai lam chye lu ai. Myen asuya, hpeyn dap LIR (387) na hpyenla ni hkawm sa na shiga lu ai majaw, KIA masat (15) dapdung ni Laiza – Manmaw lam, Namhpak-hkaq mare makau kaw wa hkap gap ai re lam chye lu ai. Dai gasat poi hta Myen asuya hpyenla langai si nna, MA-2 sinat lau (1) hte laga arung arai ni KIA kaw nna padang dip la lu ai lam chye lu ai.