KIA hte Myen Asuya, Hpyendap ni gasat gala byin ding-yang

Shawnglam majan pa sumla

Myen Asuya, hpyen dap, MOC (Ts.K.Hk) – 21 npu na, Manmaw muklum hkridun, LIB (Hk.L.Y) – 47 na Myen hpyen hpung ni hte KIA, masat (3) dapba npu, masat (1) dapdung na hpyenla ni 14 September 2011 (Dam) ya shani hkying 1:30pm ten kaw nna 2:00pm ten daram du hkra gaphkat ai lam chye lu ai. Myen Asuya, Hpyen dap LIB (47) na hpyen n-gun (100) jan gaw Manje muklum de shang wa ai hpe KIA, masat (1) dapdung ni Manje muklum makau na, Ywa Tit Kung mare makau kaw hkap gap ai majaw gasat gala byin ai re lam hte Myen asuya hpyenla ni marai (2) si hkrum nna, hkala nba law ai lam chye lu ga ai.

Bai, 14 September 2011 (Dam) ya shani 11: 30am daram hta mung KIA, masat (5) dapba npu, masat (18) dapdung ginra Myitkyina – Laiza modaw lam, Namsan yang mare makau,  Hkala kadawng kaw Myen Asuya, hpyen dap, MOC (Ts.K.Hk) – 21 npu na, Laiza – Manmaw modaw lam, Numlang mare hkridun, LIR (Hk.M.Y) – 438 na Myen hpyen hpung ni hte KIA hpyen hpung ni gaphkat ai lam chye lu ai.  Myen asuya hpyenla ni  hkala nba hkrum ai lam hpe mung chye lu ai.

 

Military Operations Command (MOC), Light Infantry Battalion (LIB),Light Infantry Regiment (LIR)